viernes, 31 de diciembre de 2010

De traxe e corbata dicímosvos: Feliz ano e Boa/s Onda/s!!

Feliz ano a todos os que de vez en cando pasades por aquí!!

Hoxe non puidemos faltar a nosa cita surfeira en fin de ano. Esta vez tocoulle a Nemiña e con dous bos amigos, neosurfers e compañeiros de traballo.

IMG_0427

Que o 2011 veña cargado de boas experiencias, de sorrisos, de miradas, de sensacións, de forza de vontade, ilusión, adrenalina, ganas, familia, boas ondas, traballo, música, motivación, saúde, gargalladas, festa, boas vibracións, sexo, optimismo, deporte, familia, chistes, apertas, bicos e..... ah!! amor, claro :)

Apertas e boa onda ;)

lunes, 27 de diciembre de 2010

O baño de hoxe en Rostro

Hoxe dirixíame a pegarme un baño solitario en Rostro...
De camiño cruceime cuns amigos que comezaron comigo a surfear este inverno e xa teñen o veneno máis metido no corpo que eu que sei. Andaban vagabundeando como drogadictos en busca da súa dose cos seus novos longboards na baca do coche.

Ao final acabámolos 3 en Rosro e cando xa decidíramos botarnos, aparece Brais. Este rapaz cada día anda mellor. Cousa boa. Así a ver se se nos pega aos máis patosos algo del e máis do portugués.

Sabedes cando tédelo día especialmente tonto/torpe no que non vos sae nada. Bueno, pois hoxe tiven un. Serían os 4 kilos de tortilla que me zampei antes? será simplemente a miña simple e pura paquetancia? (sustantivación do adxectivo "paquete") Deixarémoslle o caso a "malder" e "escali"

Bueno, imos con algunha fotiño que é o que interesa non?
Que vai pasar aquí?...
eu
-Que esa sección cae e a paso entubando coas mans tocando o labio por dentro e saio escupido por un sifonazo da ola?....uiissshh casi
-Que me meto de pleno no tubiño que viña rompendo de frente a lo kamikaze total? correct...


Aquí temos a Brais


cut

Agarimosos agradecementos a María por sacar as fotos dende terra a pesar do frío e dos case 3 kg de cámara.

Ah! e noraboa a Toño por sus bowlings... aínda que sexa remontar co tablón un día como hoxe sen ter sequera uns 30 días de surf no lombo, tenche bastante mérito.

Bicoloos!!

martes, 21 de diciembre de 2010

Fotos presentadas no maratón...

...fotográfico de Camariñas.

Debido ao pouco que actualizo últimamente, non vos costará atopar a entrada na que falaba da miña participación neste concurso (dúas entradas máis abaixo).

A temática estaba relacionada coa igualdade entre homes e mulleres, invisibilidade (con respecto ás desigualdades, inxustizas...) violencia de xénero etc. Un tema bastante trillado e con poucas posibilidades nun día chuvioso. Pero bueno, pasar pasámolo moi ben. E o meu flash tamén o pasou ben facendo puenting sen corda. Así que, todos contentos jeje

4ruben prieto

5ruben prieto

2ruben prieto

1ruben prieto

Esta non a presentei, porque so había que entregar 4, pero non me disgusta. Así que compártoa tamén
3ruben prieto

Bueno, por hoxe nada máis.
Apertas e a pasalo ben!

viernes, 17 de diciembre de 2010

vai de anuncios...

Póñovos en antecedentes... bueno, mellor que o faga Dani jeje.

A rodaxe comezaba o día 27 de novembro, e o día anterior tiña función de teatro (Volpone) con Talía en Riveira. Ao acabar a función, entre desmonte da escenografía, transporte, pasar por Santiago etc... tiña previsto chegar a casa ás 3:30 da noite aproximadamente

O tema é que estábamos a punto de vestirnos para comezar a función a iso das 20:30 cando me chaman da productora e me din:
- Hola Rubén, mañana empezamos el rodaje...
- Seino :) (sorride cando faledes por teléfono porque se nota moito :)
- Tienes que estar en Cariño (cerca de Ortigueira, outra punta de Galicia) a las 07:00 de la mañana...
-...
-... Rubén?...
- :O
- Hola?
-... Coooooooooooomooo?? pero... se tardo 3 horas en chegar dende a miña casa! en canto chegue da función xa teño que marchar para aí! imposible... o sono obrigarame a parar nalgunha estación de servicio a durmir e chego tarde á rodaxe... Non chego nin de coña.

(a transcrición da conversa non é textual, pero máis ou menos)

Ao final, atopamos solución. En canto acabámola función, recollinme e arranquei para Santiago. Alí estábame esperando un taxi para levarme ata Cariño. A iso das 2:30 cheguei ao hotel onde se hospedaba todo o equipo. Durmimos unhas pouquiñas horas, e parriba! a rodar!

Nunca traballara nun proxecto no que se rodase en cine. Por primeira vez escoitábase antes de cada toma iso de: motoreees.... (trrrrrrrrrrrr)... acción!

Durante 3 días de rodaxe nin me acordo de tódolos sitios nos que estivemos. Pero pateámonos Galicia de arriba abaixo: Cariño, Ortigueira, Outariz (Ourense), Razo...

Pasámolo xenial. Houbo tempo para charlas, risas, copas, frio, frío, frrrrrrríiioo e máis frío.
Cando todos estaban abrigados como se estivesen na neve (a cero ou un par de grados) Lucía (a outra actriz) e eu, tíñamos que estar en manga corta e simulando que disfrutábamos de las cálidas temperaturas veraniegas de Galicia, mojándonos disfrutando bajo la lluvia...
Ah! e comendo cubitos de xeo para non botar vaho pola boca. (A min non me funcionaba, tiña que grabar sen respirar) e eu aínda teño o meu texido adiposo, pero Lucía case nos morre alí tesa.

O equipo portouse xenial. Entre toma e toma abalanzábanse sobre nós cubríndonos de mantas e traéndonos cousiñas quentes. É xenial todo o mimo que se nota nas rodaxes.
Sempre se crea un bo rollo tremendo. Porque, aínda que sexan poucos días, son moi intensos. Almorzando, traballando, comendo, ceando, de copas, nos hoteis, moitos tempos mortos de cháchara...
Todo isto fai que, cando días despois, te volves a atopar a algún dos compañeiros... o saúdes cun forte abrazo.



Bueno... pois despois de 3 largos días (catro para eles), rodouse por completo o anuncio (de 45 segundos) no que.... trrrr...sorpresa sorpresaaaa.. apenas se me ve!!!!! jajaja
Teredes que adiviñarme...


Acertástedes, o pelo, os pés, e o brazo eran meus! sodes uns máquinas. Xusto! o coche tamén o conducía eu! matricula de honor para quen o dixo!

Pero bueno, como dixo o outro... "o conto é que che pajen"

En publicidade vou a coller o síndrome do actor desmembrado, xa que nestoutro, que en principio ía a facer de ingeniero, puxéronme de barman. Eu non sei vos, pero a min paréceme unha interpretación maxistral. O pelo fala por si solo xD


Hala, a tomarse a vida con humor amigos!

Apertas fortes para todos!!!

domingo, 5 de diciembre de 2010

Mónica de Camariñas

O 21 de Novembro celebrouse en Camariñas un concurso/maratón fotográfico chamado "implícate" relacionado coa igualdade de oportunidades entre homes e mulleres.
(Un artigo da voz de galicia AQUÍ)

Nunca participara nun evento dese tipo así que decidín inscribirme para ver como era e mais para practicar un dos meus hobbies favoritos: "coñecer moita xente" :)

Antes de ir xa tiña na miña cabeciña algunha foto pensada, e para facelas, contaba coa colaboración dunha boa amiga actriz. Pero no último momento surxíronlle uns contratempos e non puido vir.

Así pois, alí me vexo, xa en Camariñas, en pleno maratón fotográfico (había que pasar alí o día dende as 10 da mañá ata as 20:00 e sacar as fotos nese intervalo de tempo) e sen modelo!

Chamei a Luis Más comentándolle a situación por se coñecía a alguén que puidese estar interesada en ser afotada (déboche unha meu! jeje) e facilitoume o número de Mónica Lista.

Mentres esperaba a que ela chegase, perdín o tempo por alí sacándome fotos aproveitando o mando a distancia por frecuencia de radio que lle collín a cámara.

elojo ti r

De alí a uns minutos chegou ela

moni bn
A Sara Carbonero da Costa da Morte! jaja

Dende aquí quero mandarlle moitos ánimos para que se recupere pronto!! que tivo un accidente en Vimianzo (seguramente oístedes falar del) e está coa pelvis rota. E por suposto tamén a María, a súa acompañante que está máis grave pero recuperándose. Un paquetiño de enerxía positiva para vós!

No concurso tíñamos que entregar catro fotos, pero ao final sobrounos o tempo e puidemos sacar fotos de todo tipo

monica lista

Non poderei colgar as que presentei ata despois do día da entrega de premios (o sábado que ven)

A anécdota negativa do día foi que, estando no Cabo Vilano sacando unha foto, o flash externo que tiña colocado nun trípode propio, decidiu suicidarse tirándose polas pedras abaixo, rebotando como se fose unha saltarina. Que doloorrr!!!!

Un Metz 48 de máis de 200 euros que apenas tiña un par de meses desgraciado por un descuido. Sorprendeume a súa resistencia estructural (puiden recuperalo) e estaba máis ou menos enteiro... pero as pilas, tapa, e reflector saíron voando polo aire, e por dentro ten que ter cousas soltas porque se o axitas, sona máis a sonajero que a flash. Vamos, que non funciona.

Unha vez asimilado que non volvería a estar con nós.... merquei outro

falsh roto
Estou contentísimo con el. Relación calidade precio paréceme boísimo, e iso que aínda non o puiden exprimir de todo por non ter tempo a lelo manual de instruccións :)

Por certo, se o queredes mercar, non vaiades ao Corte Inglés, que está 50 € máis caro que en Foto Artus. Corte inglés- 260€ Foto Artus- 210€

Unha aperta forte!!!
e coidadiño na estrada!

domingo, 21 de noviembre de 2010

O que o ollo non ve...

Recordo que, fai uns 10 anos, había unha sección nunha revista de bodyboard que se chamaba así "lo que el ojo no ve" e tiña fotos do interior de tubos. Alucinábamos como monas. Eran as primeiras fotos dese estilo que víamos en ningún sitio. Nin internet nin porras. Desexábamos que rematara o mes para recibir a seguinte revista só por ver esa sección.

Bueno, isto a que viña?... ah, si. Gotas.

Fedellando no flash atopei a opción de poder disparar a alta velocidade, e recén comprado o obxectivo canon 50mm f1.8 púxenme a experimentar con gotas de auga.

Miña nai botoume un cable. Xa é unha goteadora profesional :)
A medida que me ía emocionando coas probas ía engadindo elementos á elaboración da foto. Algunhas delas quedaron tal que así:

gota panom r

zzz---zzz----gota_4

gota_5

sábado, 20 de noviembre de 2010

Nemiña. Non vos asustedes! esta entrada é sobre surf

Post "surfeiro" dedicado ao meu benquerido amigo Carlos el rojo.
En facebook hai moitos amigos, polo medio andan os de verdade (os suficientemente tanxibles como para poder darlles unha colleja ou unha aperta)e entre os tanxibles están os que che din: "Tio! en tu blog de surf no hai surf"

jeje Ole! e non lle falta razón.
Así pois... unha entradiña con fotos frescas polo temática pero medio murchas pola actualidade das mesmas. Pois son de fai dous findes. Concretamente do día 8 deste mes.

Aquí temos a Bruno longboardeando

Collendo carrerilla para...
bruno cerca

...Zas! floater perféustamente rematado
bruno floater

Aquí temos a Antonio de "el blog de nerio" surcando pequenas cavernas acuáticas :)
antonio tubo

Acabo de acordarme... Unha vez en Carnota, levamos a un amigo "Bato" (para quen o coñeza) a coller olas por primeira vez cun body. O fenómeno colleu o truco á primeira e surfeaba paredes como se o levase facendo anos. Dunha ola que rematou en cerrote, o moi animal meteuse no tubo ante o asombro de tódolos que sabíamos que era o seu primeiro día. Esperando a que saíse á superficie, esperando os seus berros de euforia e satisfacción pola visión do interior da onda..... O tipo aparece, tan pancho, colle o body e arranca cara o pico de novo sin decir absolutamente nada mentres os compañeiros aínda tíñamolas mans na cabeza. Cando lle preguntamos: "-pero tio!!! non flipaches coa visión do tubo!!??" contesta -"tubo? que dices? no se, yo iba con los ojos cerrados..." e segue remando.

Aquí temos a Suso disfrutando dunha esquerdiña...
suso boa

que parecía que ía a...
suso pretubo


pero...uiiishh case :)
casi tubo suso

Houbo ata peleas entre locais... xD
IMG_5500
(pasámolo tan ben burlándonos dese tipo de actitudes tan radicais e egoístas sobre o localismo...)

Para rematar... unha bonita posta de sol (está sen procesar, tal cual como saíu da cámara)
posta

Todo exercicio precisa unha sesión de volta á calma...

Calmar
IMG_5507
Porque me gustarán tanto este tipo de fotos? transmítenme tanta paz...

Unha aperta a todos e disculpas aos que entrades ao blog buscando ondas e nunca as atopades!

domingo, 14 de noviembre de 2010

Surfmarket.org

O noso amigo Kiko Campos de SurfGZ leva a cabo unha gran iniciativa que seguro será de moitísima utilidade a todo o panorama surfeiro galego. Trátase dun "mercadillo surfeiro online".

E podedes atopalo neste lindk: www.surfmarket.org

Copio e pego o que el mesmo nos comunica:

"SurfMarket.org xa está na rede! Unha nova web galega pra facilitar a compra e venda de material de segunda man de surf, bodyboard, longboard, kitesurf, windsurf, kayaksurf, paddlesurf, neoprenos, coches e furgonetas, material de fotografía e outras cousas. Esta web ten tres zonas de venta galegas: Rías Altas, Costa da Morte e Rías Baixas. Temos que destacar que inicialmente está en 6 idiomas (galego, catalán, euskera, castelán, inglés e portugués)"

miércoles, 10 de noviembre de 2010

Mañá actuaremos en...

Pontevedra, pasado en Laracha e despois de pasado en Ponteceso.

Por se a alguén lle interesa:

1ª xoves función escolar pola mañá
2ª xoves para todo o público ás 21:00 no teatro principal de Pontevedra
3ª venres funcion escolar pola mañá (again)
4ª venres función ás 21:00 na casa da cultura de Laracha
5ª Sábado función ás 22:30 na casa da cultura de Ponteceso

martes, 9 de noviembre de 2010

Ilustrar un libro

Este foi o que me propuxo unha filóloga que, tendo o seu libro de poemas prácticamente rematado, quería ilustralo cunha serie de fotografías.

Foi bastante sinxelo porque ela tiña moi claro o que quería transmitir con cada foto e unha idea aproximada de como as quería. Desta forma eu tiña a miña marxe para aportar o meu pequeno gran de area adaptándome aos medios dos que dispoñía para cociñar as miñas instantáneas. Ingredentes:

- Unha tea negra de 3x3
- Flash externo
- 2 focos
- Velas
- Cámara e trípode

"Constela" (o poema que acompaña esta foto non sei de que vai pero os títulos sempre me gustou poñerllos a min jeje)
constela
Propúxenme facela empregando únicamente a luz das velas. Para iso, o normal é usar un obxectivo ben luminoso e abrir diafragma a 1.4 (ou máis se se puidera) para tirar a unha ISO baixa e unha velocidade de obturación máis ou menos rápida para que non saíse trepidada a foto.

Pero dado a que a postura da autora semellaba cómoda (dentro do que cabe) e podería manterse totalmente quieta durante uns segundos, decidín tirar a ISO 200 para notn er moito ruído e cerrar moito o diafragma para conseguir que as luces das velas quedasen así de estreladas.

"Espiralda"
espiralda
Esta foi máis sinxela. Diafragma f5, velocidade 1/100 e Iso 100.

Un dos motivos polos que este proxecto me gustou dende o primeiro momento, foi porque misturaba dúas prácticas que me gustan. A fotografía e a pintura. Neste caso, o lienzo non foi unha parede senon ela mesma.
A pintura máis complexa foi no ventre, posiblemente colgue algunha foto máis adiante.
Fíxoseme raro pintar algo que ocupase menos de 10 metros cadrados jeje

Apertas!!

Sentimento sen nome




A túa presenza,
a túa mirada,
calafríos polas costas
sorrisos apretados.
Euforia

Cando te noto, escoito,
imaxino, vexo...
Aquí.
Cando penso en ti...
preto
Cando xogo contigo, valente...
rindo
Cando me bicas...
...Revivo.

Amor e odio.
Tócame pero non me leves,
Respétame pero non te vaias,
porque sen ti podo estar vivo
pero non podo VIVIR.

Respírame na caluga
e morro de gusto.
Abrázame, e morrerei

Sei con quen xogo,
xogo no teu terreo
na túa costa
Na costa da morte,
pero non podo parar

Antes morto que sen vida


Dedicado a ti: Morte

sábado, 6 de noviembre de 2010

WWW.RUBENSON.EU , a miña nova páxina!

Moi boas!

Preséntovos a miña nova páxina: WWW.RUBENSON.EU

ruben prieto

Foi feita polo meu gran amiguiño Carlos, que moitos coñeceredes polo seu fantástico e recoñecido blog WWW.ADESGANA.COM

Gústame o deseño, o esquema e a lixeireza da páxina! (Probade a acceder a ela dende un mobil e veredes o rápido que se carga!)

A opción que me propuxo Carlos de incluir unha secuencia de flicker en cada sección facilítame o ir actualizando a páxina dunha forma simple e automática a medida que eu vaia incorporando traballos aos meus albums.

Xa me diredes que vos parece. Agradécense críticas construtivas! :)


Un bicazo e abrazazo a todos!!

Pd. Comezan as formiguiñas no estómago, que se achega o MARETOOOOOOOOÓOOOONNN!!!

miércoles, 3 de noviembre de 2010

Morreu Andy Irons

Falece o 3 veces campeón do mundo Andy Irons. Ao parecer, a morte foi provocada por unha enfermidade chamada Dengue que se transmite pola picadura dun mosquito femia chamado Aedes aegypti.

Non teño por costume publicar este tipo de noticias, xa que tódolos días morren centos de persoas por traballar en condicións infrahumanas, sin medidas de seguridade por culpa de empresarios que queren abaratar costes...etc, etc... e nunca se sabe nada.
Pero teño que dicir que quedei impactado coa noticia.

Sinto moito polos achegados, e, sobretodo, pola súa muller que espera un crío.

Día oscuro para o surf

martes, 2 de noviembre de 2010

Barrañán

O xoves pasado andaba por Coruña facendo recados, e ocorréuseme chamar ao meu gran amijiño Carlos (de adesgana.com) para comer por aí. O seu plan foi máis que apetecible: Bocata, táboas e a Barrañán.

Eu non levaba táboa pero apetecíame ir a esa praia xa que non a pisara nunca.
Despois él ofreceume unha evolutiva súa, e ía decidido a botarme en bañadora a coller unhas ondas, así, "aloloco". Despois resulta que tampouco levaba invento e as olas non eran nada doutro mundo, así que quedei fora disfrutando doutra maneira ben distinta: afotando! :)

Por alí estaban os locais da zona disfrutando das ondas...
golfos blog

E ben preto, compartindo o pico, había uns humanos que exprimían as ondas a máis non poder cos seus bodyboards.

cerquiña
Nesta foto pódese apreciar como un dos golfiños que saen a respirar é unha cría pequena. Ou polo menos distínguese ben vendo a foto en grande. Sorpresa que acabo de levar agora :)

Outro ser vivo escapando da auga (moi majo por certo, un pracer)
aereo

Había un rebote na parte dereita da praia que de vez en cando formaba un codiño que semellaba moi divertido para os corcheiros
codo

O pico non estaba nada definido pero de vez en cando saía algunha aproveitable
drop

rollo!
rolaso

Outro!
rolo

E por último...(pero non menos importante!).... Carlos!!
carlos

martes, 26 de octubre de 2010

Mencer forzoso

gurrr

Estase convertindo en costume. Cando conduzo pola autopista e o ceo comeza a chamarme máis a anteción que as liñas da carretera... collo a seguinte saída.

Comezo a vagar por carreteras sen saber a onde van, indo directamente a ningún sitio. Escapando do feo en busca dun encuadre.
Pero... ás veces, cando os ollos están amansados pola beleza, vólvense máis permisivos e tolerantes.
Independizándose do cerebro cando este di que "grúa=construcción=feo" e asimilando, case encaixando, no mesmo golpe de vista a antítesis do natural, e o natural.

sábado, 23 de octubre de 2010

Incrustado nunha peli

Para ver o video FAI CLICK AQUÍ

Unha desas noites santiaguesas, de risas, na casa do amigo FRAN ZEIBE, puxémonos a grabar unhas secuencias intentando copiar ao Ryan Gosling. Xa nos apetecía facer a segunda entrega de: Cromas chorras II

Pasamos un par de horas partíndonos de risa, porque, entre outras cousas, en tódalas secuencias nas que me vedes, estaba mirando e falándolle a unha persiana. E na última escena... bueno, mirádea e xa vos facedes unha idea xD

Grabando non estaríamos máis de un par de horas, pero despois o traballo de postproducción que se pegou Fran si que foi lindo. Non sei cantas horas traballou, pero...seguro que MOITAS.

Non é tan simple "eliminar" a un actor dunha imaxe, tapalo coa miña, facerme encaixar en voz e igualarme a cor ata que pareza que estou falando con Rachel McAdams.

martes, 19 de octubre de 2010

Funcións e articulillo

Moi boas!

Para non darvos a lata colgando unha entrada con cada función que vaiamos a ter... xa vos anuncio aquí as que nos quedan ata fin de mes:

- Mañá mércores, actuamos no Salon Teatro, en Santiago de Compostela ás 23:15
- Venres 22 de Outubro, en Milladoiro (Casa da cultura)
- Sábado 23 de Outubro, en Carballo (Pazo da cultura) ás 21:00

-Tamén vos recomendo moitísimo ir a ver "Palabras encadeadas" tamén de Talía teatro, o domingo 31 ás 20:30. Para min é a mellor obra que vin. Así, con un par. Será no forum metropolitano en Coruña

Mais información na páxina de Talia: taliateatro.es

Cambiando de tercio, o outro día publicaron un mini artículo na voz de galicia dunha minientrevista que me fixeron mentres acababa o último mural. Graciñas Eduardo! A entrevista non foi grabada polo que as respostas non son textuais. Sei que é imposible transcribir unha entrevista de memoria ou anotando nun caderno, por iso lle resto toda importancia e culpa ao entrevistador! que, por certo, foi super amable e agradable. Pero, por matizar, por exemplo, o titular non foi dito por min textualmente. Só durante a conversación comentei que vivir das afeccións era un luxo, pero é distinto a rematar a frase con un "que eu teño" non sei. "Cositas" sen importancia pero coas que non me sinto identificado.

Pero de todas formas, agradécese tremendamente o artículo. Toda publicidade é benvida ;) Podedes lelo facendo click AQUÍ

Untitled-1


E buscando este, atopei outro! (click AQUÍ ) do que non tiña constancia, dun concurso de fotografía no que quedei finalista coa foto de "pescando estrelas" e que se expuxo no faro de Fisterra :) O gañador foi Juan louro, do blog que teño linkado "ézaro en fotos"

pescando soles


Apertas forteeeeeess!!!

viernes, 15 de octubre de 2010

Volpone no Principal

Amigoos!!!

Hoxe desvírgome no teatro principal, en santiago de Compostela ás 21:00!
Teño un papel pequeniño de todo... pero mellor así!! chégame abondo jaja.

Xa empezan, por momentos, a cosquillear formiguiñas polo estómago, que guay... había tempo que non me pasaba.

Se alguén vai... por alí nos veremos! que despois haberá que tomar algo

apertaaaaaa!!!

jueves, 14 de octubre de 2010

Mural na fachada dunha floristería

mur

Un pracer para min presentarvos un mural que rematei hoxe e que pasa a encabezar a lista dos meus favoritos

Aquí unhas fotos dos detalles
asdf

asdff

Resultoume máis ou menos fácil facer os pequenos detalles, porque como o mural o fixen guiándome por unha foto que fixen eu, a resolución da foto era moi boa e podía aumentar a foto no ordenador ata ver unha gota ocupando toda a pantalla.

Outra ventaxa foi que, ao poder fotografiar á "cala" (así se chama a flor) coloquei o flash na mesma posición na que vai a haber un foco iluminando o mural. Polo que xa teño ganas de ver como queda este mural de noite. Cos brillos e sombras respondendo coherentemente á posición onde vai estar a iluminación real do mural.

Unha aperta grande!!

PD. Mañá venres estreamos obra en Santiago de Compostilla! Volpone (comedia) no teatro principal ás 21:00. Estades convidados!

martes, 12 de octubre de 2010

A de atráaaas!! a de atráaaas!!

Cantas veces escoitamos isto na auga?
A maior parte das veces serve para avisar de que a seguinte onda é mellor que a que imos a remar. Pero outras veces, é unha advertencia para que teñamos coidado. Para que rememos cara o horizonte coa esperanza de que non nos cace a grande.

No caso da seguinte foto. Máis que berrar, tocaría decir polo baixiño: "padre nuestro que estás en los cielos...." eso é o primeiro que se me ocorre e iso que non son relixioso xD

adatras r


Á foto seguinte penso que lle vou chamar:

"La Masa!"
LAMASA R

Este amole de auga rompe na parte esquerda de Rostro, nas pedras que tan fielmente me avisan de que se achega a serie. (Exceptuando os días nos que as olas rompen á mesma altura que as pedras...días nos que se agradecería unha alerta de ese tipo ou un helicóptero no caso de que veña "a de atraaaas!!" :)

E a última foto, trátase do meu primeiro intento de "tilt-shift". Un efecto no que se intenta miniaturizar cousas grandes coa axuda do desenfoque gaussiano de photoshop.
tator r
Acabo de acordarme agora: Meu sobriño de 3 anos (etapa dos "porqués"), é, como moitos nenos, forofo dos tractores. Cando a súa avoa lle regalou no cumpre un conxunto de roupa "la mar de chulo", dixo o pequecho: que boniitooo!........ e... porqué non é un tractor?
:)

Apertas fortes!

domingo, 10 de octubre de 2010

Amor ansioso...

...é o título dunha das últimas curtas nas que participei. Non sei se lembrarás, xa que non fai moito colguei o trailer do making off feito por Gutier Rolan (CLICK AQUÍ).

E agora comparto con vós o trailer da curta; dirixida por Sergio Pena.

Amor Ansioso Trailer from sergio pena on Vimeo.



Anda, por certo, acabo de lembrar que fai tempo mandáranos Gutier un cachiño do making off. Aquí volo deixo tamén :)

Making of Amor ansioso - Peza 01: Mimo from Gutier Rolán on Vimeo.



Que teñades un moi bo domingo, e se non surfeades, ide a ver o mar aos cantís que onte polo menos foi un auténtico espectáculo.

Unha aperta forte!

jueves, 7 de octubre de 2010

De risas...

Onte á noite, na casa do meu amigo Fran, fixemos unhas probas de video coa miña cámara e grabamos un par de cousas... pero por grabar. Sen sentido ningún. Nin intención de facer nada. Pero o rapaz, que saíu listiño coma un allo, graboume uns planos falando diante dun croma, e despois estivo xogando/editando no seu novo super mac pro de 8 nucleos ata que saíu isto:



Fran Zeibe, o que me editou o VIDEOBOOK e o que grabou/dirixiu e editou todos ESTES VIDEOS ten un pedazo estudio de postproducción en casa do que algún día poñerei algunha foto se me deixa. A unha imaxe normal e corrente grabada sen iluminación adecuada...cambioulle a apariencia de "Caseiro" a "serie americana tipo CSI" en dous minutos.
É incrible o que se pode facer coloreando unha imaxe e a cantidade de parámetros que se poden dominar. Vaia mundo por descubrir o da edición de video... Mimadriña.. o que me queda.

martes, 5 de octubre de 2010

Efecto Matrix no surf

Bos días!

Hoxe só quería compartir un par de cousas que vin por aí.
Primeiro, este video que me pasou Mario vía facebook, no que aplican a tecnoloxía empregada nas coñecidas escenas de Matrix. Despois, ese tipo de escenas víronse en infinidade de sitios... pero no surf nunca o vira



Se vos preguntades como fan esos pedazo de aéreos en esas oliñas artificiais... que sepades que ten truco! primeiro collen a velocidade remolcados por unha moto acuática.

E para despedirme unha cancionciña que me gustou moito que atopei no blog do meu amigo Dani and company VIENTOSURF



Apertas, bicos, saúdos, sorte, boas ondas e bo día a todos! :D

domingo, 3 de octubre de 2010

Mar do Rostro, me gustas tu!

Por fin!

Cando hai temporal con ventos de sur ou suroeste... sempre teño gardado un saquiño de esperanzas enterrado nalgunha duna de Rostro.


Xa me apetecía a min catar a miña querida praia coas súas típicas condicións de inverno.

Cando windguru marca máis de 3.5 metros... tendemos a crer que as praias máis abertas, as que recollen máis mar de fondo, non aguantan o tamaño. Pero non sempre é así.

A pesar de ver un mar de espumas en canto divisei a praia dende o coche...
espumas

Non desistín no meu intento de pegarme un bo par de lavadoras e quedei no coche esperando a ver algo que me dixese: "Ru.. .entraaa... Ruuuu.. entraaa!!" (léase con acento fantasmagórico)

E ese algo chegou!!
IMG_2989

Cando un ten casi tantas ganas de zapatearse nas olas como de surfear nelas... unha cousa así xa é escusa suficiente para ir dándolle a volta o traxe sen perder de vista o mar. Sifonazos e "tronos do mar" fan que de vez en cando aparezan esas formiguiñas no estómago que che fagan pensar: será posible namorarse dunha praia? :) estou namorado ou nervioso? jaja... Namorar non sei, pero o que si que se pode é amar o mar.

O precio que había que pagar eran uns barrotes deste tipo que ás veces rompían con moi pouco fondo.
cartel

Pero despois ves unha destas e volveste a acelerar
gaivota

Xogar coa posibilidade de coller un tubo así é un premio máis que suficiente para compensar as lavadoras e centrifugados que se soen papar en días coma este.
IMG_2925

Estes días, nos que non hai un pico moi definido (por non decir nada) e a probabilidade de comer é maior que a de surfear... apetece darse o baño de risas, en compañía. Así que por non botarme só, chamei a Brais de Ézaro:
-Vente a Rostro!
-Hai bo baño?
-bueeeeeno.... o pico non está moi definido pero de vez en cando sae algunha bomba chula.
-Pero non está desfasao?
-...mmm..no... ti ven e botámonos unhas risas.
-E non está grande?
- Que va... está pa ir entrando en calor.

Cando chegou, aínda non detivera o coche, e estaba rompendo un olón tremendo. A el quedóuselle a boca do tamaño do tubo que acababa de ver... e cando decidiu entrar dixo: "bueno, o corpo está pa rompelo"

E alá fomos

IMG_2974

bn

IMG_2921

Brais tiña o cordeliño do invento ao límite da rotura, así que, comentando a seguridade que me transmitira aquelo que se me ocorrera facer AQUEL DÍA... puxémonos (os dous) un invento adicional. Usease, dous inventos cada un xD. Ao volver... fíxome gracia un comentario que fixo:
-Fuá tio, levar un solo...é unha ocurrensia, un descubrimiento... pero levar dous, tio.. esto si que é un INVENTO! jajaja

Que teñades todos unha semana xenial, fóra do normal.
Apertas fortes e boas ondas!!